Sulmuesi i Tottenhamit, Harry Kane e pranon se nuk mund të pres më gjatë për të fituar trofe.

Jose Mourinho zëvendësoi Mauricio Pochettinon këtë javë dhe kapiteni i Anglisë e pranon se “kjo do të jetë një shtytje” për skuadrën e tij në kërkim të trofeut të parë që nga viti 2008, transmeton portali arbresh.info.

Duke folur për trajnerin e ri në BT Sport, Kane tha:

“Ai ka fituar në çdo klub që ka qenë. Unë jam në atë fazë të karrierës që dua të fitoj”

“Trajneri që vjen tani, i cili ka qenë këtu dhe e ka bërë këtë, do të na jap një shtytje dhe madje edhe më shumë besim dhe padyshim ky është qëllimi jonë këtë vit”

“Kurdo që një trajner i ri vjen, të gjithë duan ta impresionojnë dhe të gjithë kanë shumë energji”

“Ai e bëri të qartë këtë që nga dita kur erdhi, ai është një trajner i sinqertë, i pëlqen të fitoj, i gjithë fokusi i tij është në ndeshjen e së shtunës”, përfundoi Kane./arbresh.info/